Setti li facci su’ di la to’ donna
e si li cancia cu disinvoltura
picchì tu mai capissi chiaramenti
s’è tempu di palummi o di vutùra,

aria di paci o burrascùsu ventu
e si l’umùri ch’havi poi ci dura
e mai fussi sicuru chi ci agghiorna
qualunqui cosa chi a la sira scura.

Tags: poesia

Alla Sicilia

Un ghiornu chi lu Padreternu era cuntenti
e’ncelu passiava cu li Santi,
a lu munnu pinsau fari un prisenti
e di la curuna s’ascippau un diamanti.
Cariu a mmari ‘nfacci a livanti,
lanna chiamari Sicilia ,li genti,
ma pe l’ eternu Patri è lu diamanti.

Tags: poesia, sicilia